मराठी माणसाचा महाराष्ट्र!

महत्त्वाच्या कल्पना

भाषा आणि समाज
आपल्या भाषेतून, वागण्यातून, प्रत्येक व्यवहारातून आपली मराठी ओळख पक्की करण्यासाठी करायचे प्रयत्न.
नुसतं “मराठी वाचवा, मराठी वाचवा” असं म्हणत बसण्यात काही अर्थ नाही. त्यासाठी मराठी वातावरण महाराष्ट्रात निर्माण करावं लागेल.

दैनंदिन वापरात मराठी
रूढ इंग्रजी शब्दांसाठी मराठी प्रतिशब्द बनविण्याची यंत्रणा.
मराठी भाषेच्या वापरामुळे मराठी भाषिकांना विविध क्षेत्रात रोजगाराच्या संधी.

प्रशासनात मराठी
मराठी अस्मिता जपण्यासाठी मराठीचा दैनंदिन शासकीय कामकाजाच्या ठिकाणी जास्तीत जास्त प्रचार.
लोकशाहीतून लोकांचे सक्षमीकरण करण्यासाठी लोकांची भाषा ही सरकारची भाषा करणे.
ग्राम पंचायत पासून पालिका, महापालिका, राज्य शासन पातळींवर सर्व प्रकारचा शासकीय व्यवहार मराठीतून.
राज्यातील सर्व न्यायालयांची कारभाराची भाषा मराठी, न्यायदान प्रक्रिया मराठीतून.

डिजिटल जगात मराठी
महाराष्ट्रात विकल्या जाणार्‍या प्रत्येक संगणकावर मराठी कळफलक तसेच युनिकोड असेल तरच त्याची विक्री केली जाऊ शकेल असा नियम.

शिक्षणात मराठी
मराठी भाषा स्वतंत्र विद्यापीठाची स्थापना.
पदवीपर्यंतचे शिक्षण मराठीतून घेण्याची सोय.
प्राथमिक शाळांच्या अभ्यासक्रमामध्ये मराठी भाषा-कला-साहित्य-संस्कृती यांमध्ये शिष्यवृत्ती, संशोधनाच्या संधी.
जागतिक पातळीवर मराठी साहित्य-संस्कृती संशोधनासाठी परदेशी विद्यापीठांशी संधान.

जागतिक व्यासपीठावर मराठी
जगातल्या सर्व महत्त्वाच्या शहरांमध्ये, जसे लंडन, टोकियो, मॉस्को, न्यूयॉर्क, रोम, पॅरिस, बर्लिन, शांघाय इथे ‘महाराष्ट्र संपर्क केंद्र’ उभारणार.

मराठी साहित्य व कला
महाराष्ट्रातल्या विविध बोली भाषांमधून साहित्य निर्मितीला प्रोत्साहन.
जगभरातल्या देशांमध्ये मराठी श्रेष्ठ कला-साहित्य अभ्यास-संधोधन केंद्रे.
बालसाहित्याकडे विशेष लक्ष.
चित्रपट, नाटक, चित्रकला अशा कालाप्रकारांसाठी रसग्रहण शिबिरे.
राज्याच्या ३५ जिल्ह्यांपैकी प्रत्येक जिल्ह्यात तेथील भौगोलिक व मराठी इतिहासाची, संस्कृतीची वैशिष्ट्य सांगणारे ‘संस्कृती मंदीर’.
इंदू मिल परिसरात डॉ. बाबासाहेब आंबेडकर यांचे स्मारक – जगानं आश्चर्य करावं अशा एका अतिभव्य ग्रंथालयाची योजना.
मराठी आणि हिंदी चित्रपटांना फक्त पोलिस परवानगीवर महाराष्ट्रात कुठेही चित्रीकरण शक्य.
राज्याच्या प्रत्येक जिल्ह्याचे स्वतःचे स्थानिक परंतु जागतिक दर्जाचे वैशिष्ट्यपूर्ण कला-प्रदर्शन संग्रहालय.
महाराष्ट्रात चित्रपट चळवळ.

गड आणि किल्ले संवर्धन
गड-किल्ल्यांना ‘सांस्कृतिक पर्यटन क्षेत्र प्रकार’ (Heritage Tourism Destination) असा दर्जा देणे.
‘महाराष्ट्र राज्य किल्ले आणि ऐतिहासिक वास्तू संवर्धन महामंडळ’ स्थापना.

पारंपारिक खेळ
पारंपारिक खेळांचा कोष.
महाराष्ट्रात अनेक ठिकाणी, अनेक खेळांची “पारंपारिक खेळ पर्यटन क्षेत्रे”.
महाराष्ट्र राज्य स्थानिक स्वराज्य संस्था मार्गदर्शन संस्था.